مفيش حد مبيحبش البطاطس الشيبس، على شان كده هنعمل الشيبس في البيت واحسن من الشارع ومن غير اي مواد حافظة ومقرمش جداً.
المقادير:
- زيت غزير
- 3 حبات بطاطس
- قطاعة الشيبس
- ملح وبهارات حسب الرغبة
الطريقة:
- نقشر البطاطس ونغسلها كويس، ونقطعها بقطاعة الشيبس ولا نضع ملح أو أي بهارات.
- في المقلاة هنحط زيت غزير ونسيبه يسخن ونبدأ بوضع شرائح الشيبس بس من غير ما نملى الحلة ونقلب فيها باستخدام الشوكة لسهولة التقليب.
- وأول لما تأخذ اللون الأصفر الفاتح نرفعها من على النار ونضعها في المصفاة لتصفي بواقي الزيت.
- نكرر ذلك حتى تنتهي كل الكمية، ثم نضعها في طبق كبير ونرش القليل من الملح ونقلبه، ويمكن إضافة بعض النكهات مثل الكاري أو الشطة أو بهارات الجبن…..