الأطباق الرئيسية

الفراخ بالخضار والبصل المكرمل

لو زهقتي من طريقة عمل الفراخ سواء بالسلق أو الشوي أو المحمرة وعاوزة طريقة بسيطة وشهلة وطعمها حلو أوي، فجربي الطريقة دي هنقلهالك بالتفصيل…

المقادير:

  • 1 كوب مرقة
  • 1 بصلة كبيرة
  • 2 حبه جزر كبار
  • 3 لـ 4 فصوص ثوم
  • ½ ملعقة صغيرة قرنفل
  • 5 لـ 6 حبات كوسا متوسطة
  • 1 ملعقة صغيرة دبس الرمان
  • 2 لـ 3 ملاعق كبار خل ابيض
  • 1 ملعقة صغيرة صويا صوص
  • 2 فص حبان ومستكة وورق لورا
  • 2 ملعقة كبيرة عصير ليمون (نص ليمونة)
  • 1 فرخة بعظم حوالي 1200 جرام (متوسطة)

البهارات لتدبيلة الفراخ:

ملح – فلفل أسمر – قرفة

الطريقة:

  • ننظف الفراخ ونحافظ على الجلد ونقطعها 8 قطع، وننقعها في ماء وخل حوالي ساعة.
  • نجيب حله كبيرة ونسيح فيها ملعقة كبيرة سمن + ملعقة زيت زيتون ونحط الحبهان والمستكة وورق اللورا.
  • نجيب الفراخ ونتبلها بالملح والفلفل الأسمر والقرفة والقرنفل، ونحاول واحنا بنتبلها ندعكها كويس وندخل التدبيلة تحت الجلد.
  • بعدها نحط الفراخ في الحلة على نار عالية ونستنى لحد ما تتحمر وبعدين نقلبها على الوش الثاني.
  • بعدها نقطع البصل لحلقات ونحطة على الفراخ ونقلبه كويس مع الفراخ، وبعدين نحط الثوم والخل وعصير الليمون ونقلب وتخلي النار متوسطة.
  • نقطع الجزر لحلقات ونحطة على الفراخ والبصل ونقلبها حوالي دقيقتين، وبعدها نضيف الكوسا المقطعة شرائح بالطول ونقلبها ونضيف رشة من الملح والفلفل الأسمر والقرفة ورشة سكر بني (اختياري) أو سكر عادي.
  • وبعد حوالي 3 أو 4 دقائق نضيف كوب المرقة ونغطي الحلة حوالي 3 دقائق على نار متوسطة، وبعدين نقلبها ونشوف لو استوت نرفعها مع على النار ونقدمها في طبق التقديم، لو لسه نسبها على نار لحد ما تكمل سواها دون إضافة شيء فقط وضع غطاء الحلة.
Click to comment

Leave a Reply

Your email address will not be published. Required fields are marked *

To Top
0

Your Cart